Danski verjumálaráðharrin vitjar í dag

Troels Lund Poulsen, verjumálaráðharri, verður í Føroyum í dag.

Hann skal hitta landsstýriskvinnuna í uttanríkis- og vinnumálum, Sirið Stenberg.

Tey skulu tosa um verjupolitiska samstarvið millum Føroyar og Danmark og á norðurleiðunum.

Troels Lund Poulsen skal eisini vitja MEST og Atlantic Airways Aviation Academy.

Í tíðindaskrivi frá Uttanríkis- og Vinnumálaráðnum verður sagt, at trygdarpolitiska støðan í heiminum ger, at Arktis og Norðuratlantshavið hava alsamt størri strategiskan týdning.

Tí er neyðugt at hava haldgott samstarv um trygdar- og verjupolitikk. 

Tað er avgerandi, at Føroyar eru við í tilgongdini fyri at fáa eina felags fatan um raðfestingum og møguleikar og, at Føroyar hava virknan leiklut.