Løgmaður: Kundi ikki tvinga Súsonnu at vera sitandi

- Súsanna Bertholdsen bað um at verða loyst úr starvinum í gjárkvøldið, og tað tók eg til eftirtektar. Eg kann ikki tvinga eitt landsstýrisfólk til at vera sitandi.

Tað sigur Aksel V. Johannesen, løgmaður, um støðuna, nú landsstýrið brádliga aftur er umskipað. 

Súsanna Bertholdsen bað um at verða loyst úr starvinum sum landsstýriskvinna, tí alt bendi á, at fosturtøkumálið verður ikki samtykt, um Djóni Nolsøe Joensen tók sæti aftur á tingi. 

Samstundis sum løgmaður hevur loyst Súsonnu Bertholdsen úr landsstýrissessinum, hevur hann gjørt av, at Djóni Nolsøe Joensen skal halda fram sum landsstýrismaður í barna- og útbúgvingarmálum.

Hoyr samrøðu, sum Georg L. Petersen gjørdi við Aksel V. Johannesen í útvarpstíðindunum: