Ráðførsla um makrel

Landsstýrismaðurin í tilfeingis- og vinnumálum skal ráðføra seg við uttanlandsnevndina um makrel fyrrapartin.

ICES mælir til, at makrelkvotan minkar 70 prosent næsta ár.

Strandarlondini eru samd um at lurta eftir ICES.

Men tey eru ikki samd um, hvussu makrelurin skal býtast teirra millum. 

Sambært býtinum í ár fáa Føroyar 20.923 tons næsta ár, sum eru 48.312 tons minni enn í ár. 

Hetta er eftir, at tað, sum vit gjalda fyri atgongd hjá øðrum, er farið burturav.

Møguliga hevur landsstýrismaðurin ásett føroysku kvotuna í 2026, og tað er hana, hann skal ráðføra seg við uttanlandsnevndina um.