Hetta er ikki ein gamal dreymur

Hon hevur starvast í heilsuverkinum meira ella minni alt sítt vaksna lív, og hóast hon ikki hevur slept læknayrkinum, er Katrin Rubek Nielsen tó farin undir nakað heilt annað við síðuna av. Hon hevur, saman við manninum, latið upp handil í kjallaranum í nýumvældu húsunum í Niels Finsensgøtu 25.

- Hetta við at hava handil sjálv hevur ikki verið nakað, sum eg havi hugsað um í langa tíð. Tey, sum kenna meg vita, at eg ikki eri nøkur mótaguru, sigur Katrin, sum hóast hetta hevur latið ein kvinnuhandil upp við klæðum, skóm, taskum og tingum.

Ikki var langt frá hugskoti til handling, tí hugskotið kom í august og handilin lat upp í desember.