Nýggj farsóttarlóg á veg

Nýggj farsóttarlóg á veg
Uppskotið er sent til hoyringar. Freistin er 26. januar
Royndirnar frá koronutíðini eru brúktar í nýggju farsóttarlógini.
 
25.12.2025 - 09:36

Uppskot er gjørt um nýggja føroyska farsóttarlóg.

Tað er sent til hoyringar. Freistin er 26. januar.

Málsøkið farsóttir var yvirtikið 1. januar 2024.

Endamálið við uppskotinum um nýggja lóg er at dagføra og styrkja lógargrundarlagið um at fyribyrgja og handfara smittandi sjúkur.

Millum annað vera royndirnar frá koronu og øðrum smittandi sjúkum seinastu árini brúktar.

Lógin skal tryggja greiðar heimildir, ábyrgdarbýti og skipanir um almenn farsóttarfyribyrgjandi átøk.

Hetta skal gerast, so føroyskir myndugleikar eru betur førir fyri at handla skjótt, samanhangandi og trygt, um nýggjar farsóttir ella álvarsligar smittusjúkur raka samfelagið.

Landsstýrið kann ikki siga, hvussu nógv lógin fer at kosta landinum. 

Flestu ásetingarnar í lógini koma ikki í gildi, fyrr enn ein farsótt kemur til Føroya.

Veldst um smittu

Og tá veldst millum annað um smittan er luftborin ella borin umvegis kropsvætu.

Og ávis viðurskifti viðvíkjandi tilbúgving eru longu komin og tí fíggjað.

Til dømis starvast ein lækni parttíð við farsóttarøkinum í Heilsustýrinum.

Og Heilsustýrið umsitur longu nú eina farsóttarskrá. 

Tilbúgvingingarætlanin fyri farsóttir kom í apríl í ár. 

Galdandi farsóttarlóg er frá 2011. Hon var seinast broytt í mai í fjør.
 

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592