- Tíðindi, mentan og ítróttur
Samráðast enn um lønarkarm
Samráðast enn um lønarkarm
Tey 14 fakfeløgini á almenna arbeiðsmarknaðinum og arbeiðsgevararnir hava fund aftur seinnapartin í vikuni
Almennu fakfeløgini og arbeiðsgevararnir hava samráðst um lønarkarm síðani 9. oktober.
Mynd: Bjarni Árting Rubeksen
12.01.2026 - 09:19
Samráðingar vera hósdagin millum 14 fakfeløg á almenna arbeiðsmarknaðinum, Lønardeildina hjá Fíggjarmálaráðnum og Kommunala arbeiðsgevarafelagið.
Samráðingar eru ikki byrjaðar enn við hvørt einstakt fakfelag, heldur ikki við tey, sum ikki eru millum tey 14, sum enn samráðast um lønarkarmin.
Ein serfrøðingabólkur gjørdi grundarlagið undir samráðingunum um lønarkarmin.
Tær samráðingarnar, sum byrjaðu 9.oktober í fjør, eru ikki lidnar enn.
Sjey fólk frá hvørjum parti, frá arbeiðsgevarunum og frá teimum 14 fakfeløgunum, vera við á fundinum hósdagin.
Er kopiera
Nýggjastu sendingar í ÚV
Nýggjastu sendingar í SV
