FSF letur stuðul til fótbóltshallir

Tað er nú møguligt at søkja um stuðul til bygging av fótbóltshallum. Hvør verkætlan kann søkja um í mesta lagi 15-20 prosent av samlaða kostnaðinum. Í serstøkum førum kann hægri stuðul tó latast, boðar Fótbóltssambandið frá.

- Átakið er liður í arbeiðinum at menna og betra um karmarnar fyri fótbóltin kring landið, soleiðis at vit kunnu fáa enn fleiri føroyingar at spæla fótbólt – alt árið, alt lívið. Stuðul verður latin til bæði fótbóltshallir í fullari stødd og til smærri fótbóltshallir – sokallaðar 9’ara og 7’ara hallir, sigur aðalskrivarin í Fótbóltssambandi Føroya, Kristin Dam Ziska.

Kommunur, ið hava áhuga at byggja fótbóltshøll, skulu boða FSF frá innan 2. mars 2026. Tær fráboðanir, sum Fótbóltssamband Føroya móttekur verða síðani eftirhugdar í samband við støðutakan av, hvussu stóran stuðul FSF samanlagt kann veita.

- FSF hevur møguleika at søkja um í alt 19 milliónir krónur úr FIFA Forward 3.0 skipanini, og stuðulin til kommunurnar verður í fyrstu atløgu latin til verkætlanir, sum verða framdar í 2026 og í 2027, skrivar Fótbóltssambandið.

Tað hevur í fleiri førum verið tosað um at fáa fótbóltshallir í Føroyum. Higartil er tað bara Marghøllin í Vági, sum ikki er fullan vøll. Tað hevur fleiri ferðir verið tosað um fótbóltshallir í Føroyum. Víst verður millum annað til Íslands, har tað eru fleiri fótbóltshallir í fullari stødd. Eitt nú hava Føroyar spælt góðkendar venjingarlandsdystir móti Íslandi í fótbóltshallum.