Danmark kann einki gera, um Trump tekur Grønland við hermegi

- Ger USA av at taka Grønland við hermegi, kann Danmark einki gera við tað.

Tað sigur Jon Rahbek-Clemmensen, lektari á danska verjuháskúlanum.

Tað hevur fleiri ferðir verið nevnt, at brúkar USA hermegi í Grønlandi, verður tað endin á Nato-samgonguni. Hesum tekur Jon Rahbek-Clemmensen undir við.

Atlantsflog og danskir hermenn í Nuuk

Eitt flogfar hjá Atlantsflogi var í gjár í Nuuk við donskum hermonnum, sum skulu venja í Grønlandi. (Mynd: Mads Claus Rasmussen/Ritzau Scanpix)

Hann væntar tó ikki, at støðan í Grønlandi fær nakra ávirkan á støðuna hjá okkum Føroyum. Men vit kunnu rokna við, at fleiri hernaðarvenjingar verða á okkara leiðum.

Ein ávaringarradari skal setast upp á Sornfelli, men tað hevur ikki við sær størri amerikanska hjáveru í Føroyum, sigur Jon Rahbek-Clemmensen.

Hoyr innslag í útvarpstíðindunum: