Nú ber til at søkja um pengar frá Ítróttavedding

Nú ber til at søkja um pengar, sum landsstýrið fær frá smápartafelagnum Ítróttavedding.

Pengarnir, okkurt um tvær milliónir um árið, eru ætlaðir sum stuðul til verkætlanir og tiltøk til gagns fyri børn og ung.

Pengarnir eru 15 prosent av tí, sum fólk í Føroyum vedda fyri um árið, serliga í Danmark.

Freistin at søkja er 14. apríl.

Eisini ber til at søkja um stuðul til mentanarlig tiltøk. Játtanin er ein millión og 120.000 kr. Umsóknarfreistin er 17. mars.

Stuðul til myndlistafólk

Og til ber at søkja um stuðul til myndlistafólk.

Stuðul verður í fyrstu atløgu latin yrkislistafólkum og í aðru atløgu umsøkjarum, sum eru á eini listaligari yrkisleið, sigur Uttanríkis- og Mentamálaráðið. 

Játtanin er ikki stór, hon er 150.000 kr.

Freistin at søkja er 17. mars.