Danin Thomas Frank uppsagdur í Tottenham

Danin Thomas Frank uppsagdur í Tottenham
So gekk tað ikki meira hjá danska Thomas Frank, sum í fjørsummar gjørdist venjari hjá enska Premier League-stórfelagnum Tottenham. Hann er nú uppsagdur
Thomas Frank hevur leingi verið undir trýsti í Tottenham, og nú er hann so uppsagdur
Mynd: Ritzau/Scanpix  
 
11.02.2026 - 11:13

Thomas Frank er ferdigur maður í Premier League-felagnum Tottenham. 

Tað er greitt eftir, at stórfelagið úr London ikki hevur megnað at vunnið seg longri upp eftir stigatalvuni. 

Hetta boðar Tottenham Hotspurs frá á heimasíðuni og á sosialu miðlunum. 

 

Newcastle gjørdist dropin

Dropin gjørdist tapið í gjár á heimavølli fyri Newcastle, tí Tottenham nærkast av álvara niðurflytingarlinjuni.

Liðið, sum annars hevur staðið seg væl í Champions League-kappingini, liggur á einum 16. pláss við einans fimm stigum niður til niðurflytingina. Tað hevur einans eydnast Thomas Frank at leiða Tottenham til sjey sigrar í 26 dystum, og tað er einan 1,12 stig í miðal fyri hvønn dyst.

"Thomas bleiv settur í starv í juni 2025, og vit hava verið sera sinnaðir at geva honum tíð og stuðul at byggja nakað upp fyri framtíðina. Men úrslitini og varikini hava fingið nevndina at koma til ta niðurstøðu, at eitt venjaraskifti er neyðugt," skrivar Tottenham á heimasíðuni, áðrenn felagið takkar dananum fyri hansara innsats og ynskir honum góða eydnu í framtíðina. 


Mynd: Ritzau/Scanpix
Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Skipsboð
216603
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470