Broytingaruppskot um eisini at bjóða Múlaleiðina út

Nú málið um at fyrireika, projektera og bjóða Suðuroyartunnilin kemur til endaliga viðgerð á tingfundinum í dag, hava tingfólk í andstøðu og samgongu lagt fram broytingaruppskot um eisini at projekteta og  bjóða sonevndu Múlaleiðina út.

Tey, sum hava lagt uppskotið fram, eru Magnus Rasmussen, Johan Dahl og Frimodt Rasmussen í Sambandsflokkinum, Árni Skaale í Fólkaflokkinum og Erling Eidesgaard og Liljan Weihe í Tjóðveldi.

Les broytingaruppskotið her. 

Fyri at tingfólk kunnu fáa høvi at seta seg inn í broytingaruppskotið, var tingfundurin niðurlagdur, og hann verður tikin uppaftur klokkan 11.30. 

Tá uppskotið um Suðuroyartunnilin var til 2. viðgerð mánadagin, atkvøddi løgtingið eisini um ett broytingaruppskot frá minnilutanum Magnusi Rasmussen í fíggjarnevndini um Múlaleiðina, men tað fall. 

Níggju atkvøður vóru fyri, 21 ímóti, og ein var blonk.