Sirið Stenberg var bilsin

Tað kom óvart á tey flestu, at Aksel V. Johannesen, løgmaður, valdi at útskrivað val, tá málið um Suðuroyartunnilin var samtykt.

Hetta kom eisini óvart á forkvinnurnar í hinum samgonguflokkunum, Framsókn og Tjóðveldi. 

Sirið Stenberg, forkvinna í Tjóðveldi, var bilsin um, at løgmaður skrivaði út nýval, eftir at málið um Suðuroyartunnilin var samtykt.

Hóast tað hevur verið buldrasligt til tíðir í samgonguni, so takkaði hon løgmanni fyri gott samstarv. Tjóðveldi fer nú at fyrireika seg til valstríðið.