Trapputing í Tórshavn: Bústaðir til vanlig fólk

Onnur sending í røðini Trapputing verður at síggja beinleiðis í sjónvarpinum í kvøld.  

Hesa ferð eru tað havnarfólk, sum siga sína meining.

Evnini fevna breitt, men eingin ivi er um, at orðaskiftið um Suðuroyartunnilin ikki er slept enn.

Ein týðandi íløga 

Fríggjakvøldið varpaðu suðuroyingar ljós á Suðuryatunnilin, sum teir ikki mettu, at vit í Føroyum kunnu klára seg uttan. 

Og nú heldur orðaskiftið fram í miðstaðarøkinum. 

Leif Hansen er millum tey, sum fara at kjakast í kvøld. Fyri Leif er tað umráðandi at seta orð á raðfestingar í sambandi við íløgur.

Hann setur millum annað spurningin: Hvat merkir ein íløga sum Suðuroyartunnilin fyri aðrar íløgur? 

 

 

 

 

View this post on Instagram

 

 

 

 

 

 

 

 

 

 

 

A post shared by Kringvarp Føroya (@kringvarp)

Bústaðir til vanlig fólk 

Bústaðarneyðin er eisini eitt heitt evni í høvuðsstaðnum.

Um tað stendur til Annu Margit Dalsgaard, er neyðugt at byggja bústaðir, sum vanlig fólk klára at fíggja, sum hon tekur til. 

Men tað er ikki einans neyðugt at bøta um umstøðurnar hjá teimum, sum eru her. 

Eisini tey ungu, sum flyta av landinum í lestrarørindum, mugu hava okkurt at flyta heimaftur til. Tað noyðast vit at gera nakað við, heldur Anna Margit Dalsgaard.  

Útoyggjar mugu ikki gloymast 

Eisini samferðslan eigur at vera sett á breddan, heldur Aðalbjørg Linklett, sum býr í Nólsoy.

Sambært henni, so er samferðslan til útoyggj ikki nøktandi í løtuni, og eigur at vera raðfest av politikarum komandi valskeið.

Hetta, og nógv annað, verður at síggja og hoyra, tá ið sterkar meiningar verða førdar fram á Trapputinginum av Argjahamri í kvøld kl. 20.00. 

Trapputing logo, LV26

Soleiðis verður Trapputingið sent:

Havn, í kvøld 16. mars, kl. 20.00 
Klaksvík, mikukvøldið 18. mars, kl. 19.00 
Oyrasund, sunnukvøldið 22. mars, kl. 19.00 

Áður send Trapputing:

Suðuroy