Ikki eitt orð skift um haldføri

Ætlanin var, at løgtingið skuldi hava aðalorðaskifti um haldføri í vár.

Men tað verður nú fyribils av ongum, tí val er skrivað út.

Í løglistanum, sum kom saman við røðuni hjá løgmanni á ólavsøku í fjør, stendur um frágreiðing til aðalorðaskifti um fíggjarpolitiskt haldføri, at Búskaparráðið kom við einari temafrágreiðing um fíggjarpolitisk haldføri hjá føroyska búskapinum í 2024. 

Frágreiðingin verður nú dagførd og eftir ætlan almenn fyrst í 2026. 

Í hesum sambandi verður frágreiðingin latin løgtinginum, og aðalorðaskifti verður um hana.

Og tað skuldi vera í vár.