Starvsstovan fer at kanna persónligt reinføri og útílatingarevni

Persónligt reinføri og útílatingarevni á matvøruvirkjum eru evnini, sum Heilsufrøðiliga starvsstovan fer at kanna í ár.

Heilsufrøðiliga starvsstovan hevur regluligt eftirlit við matvøruframleiðslu.

Persónligt reinføri er týdningarmikið í allari matvøruframleiðslu, bæði á fiskavirkjum og á virkjum, sum gera mat til føroyska marknaðin, til dømis bakarar, sigur Heilsufrøðiliga starvsstovan.

Og á teimum virkjum, sum brúka útílatingarevni, verður kannað, um virkini tryggja sær, at evnini eru góðkend til matvøruframleiðslu, og nýtslan er innan fyri galdandi markvirði.

Eftirlit verður gjørt á 64 virkjum.

Í fjør kannaði Heilsufrøðiliga starvsstovan føðsluvirði, vitaminir og mineral í føroyskum eplum, mairótum, gularótum og lambskjøti, bæði feskum og turrum.