Búskaparráðið gevur ráð mitt í valstríðnum

Búskaparráðið fer framhaldandi at ráðgeva og gera búskaparligar viðmerkingar - eisini mitt í einum valstríði.

So seint sum í gjár, dagin fyri løgtingsvalið, kom Búskaparráðið við einari almennari áheitan á politisku skipanina um at leggja kommunur saman, fáa dupultfunksjónir burtur og fremja sparingar í almenna rakstrinum.

Samstundis fanst ráðið at politikarunum fyri ikki at tora at fremja neyðugar nýskipanir og sparingar - og heldur tað vera ábyrgdarleyst, at politikararnir ætla at fara undir Suðuroyartunnilin, áðrenn ein loysn er funnin á avbjóðingini við fíggjarliga haldførinum. 

Búskaparráðið, Johnny í Grótinum

Frítekst tagging: 

Búskaparráðið

Johnny í Grótinum

Bjarni Árting Rubeksen

Fleiri ferðir, síðan løgtingsvalið bleiv útskrivað 25. februar, er Búskaparráðið komið við líknandi áheitanum og atfinningum, og tað hevur fingið øði í fleiri politikarar, sum hava lagt ráðið undir at vera bæði ódugnaligt og politiskt litað, og onkur hevur beinleiðis mælt til at avtaka tað.

Atfinningarnar fáa tó ikki ráðið at tiga ella umhugsa at skrúva niður fyri hvøssum boðskapum og tilmælum, meðan eitt valstríð leikar á.

Í valstríðnum hava politikarar lagt ráðið undir at vera bæði ódugnaligt, politiskt litað og fyri at leggja seg út í valstríðið, men tað fær ikki formannin, Johnny í Grótinum, at tiga.

Hoyr innslag í útvarpstíðindunum: