Pannukøkur á matarlepanum í Mjørkadali

Tað er borgaraservice hjá fútaskrivstovuni, sum skipar fyri, at tey, sum sita í arrestini í Mjørkadali, sleppa at velja, greiðir Birgir Hansen, fangavørður, frá.

- Tey vóru her í síðstu viku, so her verður atkvøtt við brævatkvøðu, sigur hann, og leggur afturat, at tey komu á gátt tvær ferðir, tí tvey val hava jú verið hesa vikuna.

Nógv verður tosað um tað, sum er á matarlepanum ein valdag, og í Mjørkadali eru millum annað pannukøkur á skránni.

Av tí at summi vilja vera við, at hesar eru tær bestu í verðini, so fáa tit uppskriftina her:
 

Uppskrift upp á pannukøkur frá mammu Sjúrð á Signabø

200 gr. av smeltaðum smøri

6 egg

210 gr. av mjøli

130 av melis

hálvur litur av mjólk

og ovmikið av vaniljusukri.
 

Og mamman í Signabø leggur dent á, at smørið skal í til síðst.