Morgunblaðið heldur fast um, at talan var um Hamas

Morgunblaðið heldur fast um, at talan var um Hamas
Hóast íslendska løgreglan hevur avsannað tíðindini, um at Hamas var uppi í einum álopi í bilkjallara í Reykjavík, heldur blaðið fast um sítt
Málið um álopið í hesum bilkjallaranum í Reykjavík verður framvegis kannað, men løgreglan vísir aftur, at Hamas var uppií.
Mynd: Morgunblaðið  
 
27.03.2026 - 08:38

Íslendska Morgunblaðið heldur fast um, at tað fekk upplýsingarnar um Hamas frá keldum í løgregluni.

Løgreglan hevur annars avsannað tíðindini.

Morgunblaðið skrivaði fyrr í vikuni, at illgruni var um, at millum teirra, sum eru tiknir fyri eitt grovt álop í einum bilkjallara í Reykjavík í síðstu viku, eru nakrir, sum hava samband við Hamas.

Tað hevði blaðið frá løgreglumonnum, sum vilja vera dulnevndir.

Tveir av teimum handtiknu eru í varðhaldi.

Ein íslendingur var álvarsliga skaddur í álopinum. Álopið verður kannað sum drápsroynd.

 

Á lista hjá Interpol

Keldurnar hjá blaðnum siga, at nakrir teirra eru á listanum hjá Interpol við monnum, sum eru undir illgruna fyri at vera yvirgangsmenn.

Eisini tað hevur løgreglan avsannað.

Men Morgunblaðið heldur fast um sítt. Tað sigur, at keldurnar eru álítandi løgreglufólk.

Keldurnar hjá blaðnum sluppu at síggja tíðindini, áðrenn tey vóru almannakunngjørd, og váttaðu, at tey vóru røtt.

Morgunblaðið skrivar eisini, at onnur løgreglufólk vendu sær til blaðið eftir avsannanina hjá løgregluni.

Tey undraðust á, at tíðindini vóru avsannað, tí tey høvdu fingið annað at vita í løgregluni.
 

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592