2,5 milliónir í eykajáttan til bíðilønir

Formansskapurin í løgtinginum hevur biðið tingið um 2,5 milliónir krónur í eykajáttan til bíðiløn til løgtingsfólk, sum annaðhvørt ikki vóru afturvald á løgtingsvalvinum, ella ikki stillaðu uppaftur.

Tey hava rætt til bíðiløn í fýra til seks mánaðir.

Á fíggjarlógini í ár eru 700.000 kr. játtaðar til biðiløn.

Hevði løgtingsvalið verið í heyst, høvdu útreiðslurnar til bíðiløn verið býttar á tvey figgjarár.

Men nú løgtingsval var longu í mars, er greitt, at øll útreiðslan fellur til gjaldingar í ár, og tí er tørvur á 2,5 milliónum krónum, sigur formansskapurin í viðmerkingum til uppskotið.