Vilja hava frágreiðing um byggimálið hjá tinginum

Formansskapurin hjá løgtinginum vil hava frágreiðing frá Landsverki um byggimálið hjá tinginum, har m.a. glaspláturnar á umsitingarbygninginum skulu skiftast.

Á seinasta fundinum í farna valskeiði, sum var 12. mars, var formansskapurin ónøgdur við handfaringina, tí byggimálið tók so langa tíð.

Hann heitti á Landsverk um at lata nýggja formansskapinum, sum hevur tikið við eftir valið, eina frágreiðing um, hví so er.

Landsverk og Kanjon gjørdu sáttmála um byggimálið 18. mars.