Vit hava undirmett, hvussu virus virka

Í nógv ár hevur samfelagið reagerað uppá beinkrím, RS-virus og korona við at fokusera uppá at forða fyri akuttum sjúkum, innleggingum og at fólk doyr. Men sambært serfrøðingum kann hetta hava havt við sær, at vit hava vent blinda eygað til aðrar hóttanir, sum eru tey sníkjandi seinárini, sum koma í kjalarvørrinum á infektiónunum.

Rebecca Cox vísir á, at vanlig virus eru orsøkin til álvarsligar heilsuavbjóðingar.

- Beinkrím kann vera orsøkin til heilaskaðar og hjartaskaðar, sjálvt langa tíð eftir, at infektiónin er burtur, sigur hon.

Rebecca Cox reksar upp eina røð av øðrum virusum, sum granskarar nú halda geva seinárin.

- Økti vandin fyri langtíðar ella kroniskum sjúkum eigur at vera tikin við, tá mann skal meta um mann skal lata seg koppseta, heldur enn bara at meta um mann heldur vil bara vil verja seg móti sjálvum kríminum, sigur hon.

Fyri stuttum funnu granskarar ein samanhang millum helvitiseld og demens. Hesi tíðindini høvdu við sær, at norðmenn í hópatali lótu seg koppseta móti sjúkuni, skrivar NRK. Og í februar gjørdi Fólkaheilsuinstitutti av at mæla til at koppseting móti helvitiseldi skal vera partur av koppsetingarskránni.

Trýst á pílin niðanfyri og hoyr alt innslagið, sum var í tíðindunum á middegi.