Pauli skjótastur ímóti klokkuni

Pauli Poulsen vann kappingina í tíðarsúkkling, sum Tórshavnar Súkklu- og Triathlonfelag skipaði fyri saman við Troy, súkklufelagnum í Eysturoynni.

Hann vann eisini tvær tær fyrstu kappingarnar, og sostatt tryggjaði hann sær gullið saman í sonevndu GIANT TT kappingini 2026, skrivar tst.fo.

Teinurin, sum var tilsamans 41 kilometrar, var frá Effostøðini í Skálabotni til millum Fjarða, har vent varð. Leiðin gekk síðan til rundkoyringina við Skipaneskrossin og so aftur til Effostøðina í Skálabotni. Teinur skuldi súkklast tvær ferðir.

Pauli Poulsen súkklaði skjótt og kom á mál við tíðini 59:57 minuttir. Tað gevur eina miðalferð beint yvir 41 kilometrar um tíman. Nummar tvey um mállinjuna var Bergtór Thorsteinsson (1:03:52), og nummar trý var Jákup Petur Eliassen (1:04:22). Teir báðir fingu somu pláss í samanløgdu kappingini.

Úrslit, 41 km Einkultstartur, Eysturoy:

1. Pauli Poulsen, 59:57
2. Bergtór Thorsteinsson, 1:03:52
3. Jákup Petur Eliassen, 1:04:22
4. Erik Neshamar, 1:08:12
5. Gunnar Dahl-Olsen, 1:11:07
6. Bogi Gregersen, 1:12:02
7. Jóhan D. Jacobsen, 1:14:42
8. Reidar F. Joensen, 1:15:37
9. Finnur Koba, 1:16:19
10. Henry Berg, 1:26:12
11. Jónatan Gregersen (U), 1:28:54