Vil hava formansval í Labour

Fyrrverandi uttanríkisráðharrin, Catherine West, váttar, at hon fer at savna undirskriftir við áheitan um formansval í bretska stjórnarflokkinum, Labour.

West boðaði um vikuskiftið frá, at hon fór at stilla upp ímóti Keir Starmer, forsætisráðharra, um hann ikki leggur frá sær innan mánadagin, og tað er í dag.

- Eg boði við hesum Downing Street nr. 10 frá, at eg savni inn nøvn á tinglimum í Labour, sum krevja, at forsætisráðharrin fyrireikar seg til at velja nýggjan floksleiðara í september, skrivar hon í fráboðan, sambært BBC.

Keir Starmer hevur sagt fleiri ferðir, at hann hevur ongar ætlanir um at leggja frá sær, heldur ikki eftir vánaliga valúrslitið hjá Labour í síðstu viku.