Peskov: Kríggið í Ukraina nærkast endanum

Talsmaðurin hjá Kreml, Dmitrij Peskov, hevur í dag viðmerkt útsøgnina hjá Vladimir Putin, forseta, um at kríggið í Ukraina nærkast endanum.

Tað skrivar tíðindastovan Reuters.

Sambært Peskov, fegnast Russland um amerikansku samráðingarnar. 

Hann endurtekur eisini støðuna hjá Moskva um, at kríggið steðgar alt fyri eitt, um Ukraina og ukrainski forsetin taka neyðugu avgerðina.

Álopini tikin uppaftur

Eftir at stuttu vápnahvíldin í Ukraina, leyp Russland á aftur Urkaina við meira enn 200 dronum, sigur ukrainski forsetin, Volodymyr Zelensky.

- Russland valdi sjálvt at gera enda á partvísu kvirruni, sum hevur verið í fleiri dagar, skrivar Zelensky í boðum á X.

Í minsta lagi 200 álopsdronur og meira enn 80 bumbur vórðu brúktar í teimum meira enn 30 loftálopunum, sum vórðu skrásett, sigur ukrainski forsætisráðharrin.

Russland boðar eisini frá ukrainskum álopum í dag. 

Russiski herurin sigur, at 27 ukrainskar dronur vórðu skotnar niður, eftir at vápnahvíldin endaði.

Trump kom uppí

Vápnahvíldin kom ikki í gildi fyrr enn amerikanski forsetin, Donald Trump, bað Vladimir Putin, forseta í Russlandi, og Zelensky, forseta í Ukraina, taka undir við vápnahvíld í tríggjar dagar.

Báðir partar hava í stóran mun hildið seg frá loftálopum teir tríggjar dagarnar, men báðir hava ákært hin fyri at bróta vápnahvíldina á hermótinum.