Nú verður fíggingarleistur endurskoðaður

Fígging av eldraøkinum skal endurskoðast.

Og tað skal vera einfaldari at avgreiða byggimál. 

Tað kom burtur úr fundinum, sum landsstýrið og formansskapurin í Kommunufelagnum høvdu í gjár.

Fíggingarleisturin á eldraøkinum verður endurskoðaður.

Ein arbeiðsbólkur við fólkum úr Fíggjarmálaráðnum og Kommunufelagnum skal gera uppskot um  broytingar í fíggingarleistinum.

Ætlanin er at koma á mál í heyst.

Og nýggj lóggáva, sum skal gera tað greiðari, einfaldari og skjótari at avgreiða byggimál, verður ætlandi løgd fyri løgtingið í heyst.