Skansin illa farin

Skansin í Havn er nú so illa farin, at bráðfeingis umvælingar mugu gerast alt fyri eitt.

Landsstýrið biður løgtingið um 3,5 milliónir krónur til tær.

Tjóðsavnið kannaði støðuna í september í fjør.

Tá sá hon út til at vera stabil. 

Men tá Tjóðsavnið og Landsverk kannaðu støðuna í mars í ár var staðfest, at støðan er broytt.

Múrverkið flytur seg

Múrverkið hevur summa staðni flutt seg ein tumma úteftir.

Tá bráðneyðuga umvælingar eru gjørdar, er neyðugt at halda á fram við at umvæla alt múrverkið á Skansanum. 

Landsverk hevur gjørt eina frágreiðing um, hvussu farast kann fram. 

Landsverk metir, at arbeiðið helst verður kostnaðarmikið og fer at taka nógv ár. 

Á ovara vollanum á norðursíðuni eru 10 til 12 metrar, har múrverkið er sjunkað og bólgnað 20 til 30 sentimetrar.