30.400 starvsfólk í apríl

Fólk, sum arbeiða í Føroyum, gerast støðugt fleiri.

Men seinastu árini er vøksturin tó viknaður. 

Sambært Hagstovuni vóru 30.419 starvsfólk í apríl, sum Hagstovan nevnir tey, 382 fleiri enn í apríl í fjør.

Vøksturin er 1,3 prosent.

Í apríl vóru 15.500 menn og 14.900 kvinnur í starvsfólkaskaranum. 

Kvinnur, sum arbeiða undir almennum ræði, gerast alsamt fleiri.

Næstan tvær av trimum kvinnum arbeiða undir almennum ræði, men bara fjórði hvør maður.

Hagstovan sigur, at undir almennum ræði eru bólkarnir almenn fyrisiting og tænasta, ikki fíggjarlig feløg, fíggjarlig feløg, húsarhald og felagsskapir, sum eru undir almennum ræði.