TAKS tekur metnógv rúsevni - kortini eru stórar avbjóðingar

- Vit hava sett met fyri, hvussu nógv rúsevni vit taka í eftirlitinum. 

Tað sigur Eyðun Mørkøre, stjóri á TAKS, í sambandi við, at trý fólk eru varðhaldsfongslað í størsta kokain-málinum higartil.

Í minsta lagi fimm kilo av kokaini eru smuglað til Føroya, og síðani er meginparturin seldur víðari her. 

At Føroyar eru vorðnar meira áhugaverdar fyri útlendskar smuglarar, staðfestir TAKS eisini í eftirlitinum við landamørkini.

Men hóast TAKS seinastu tíðina hevur tikið metnógv rúsevni í eftirlitinum, eru avbjóðingarnar framvegis stórar. Sambært Eyðuni Mørkøre er tørvur á betri umstøðum og fleiri starvsfólkum, um eftirlitið skal styrkjast enn meira. 

Hoyr innslag í útvarpstíðindunum:

Sí eisini: Útlendski áhugin fyri føroyska rúsevnismarknaðinum tykist stórur