Útlendski áhugin fyri føroyska rúsevnismarknaðinum tykist stórur

- Vit síggja ferð eftir ferð, serliga í stóru rúsevnismálunum, at træðrir eru til skipaðan kriminalitet í Danmark.

Tað sigur Kári Jacobsen, leiðari á kanningardeildini hjá politinum, sum vísir á, at lyndi at brúka harðskap og hóttanir er vanligari at síggja.

Trý fólk eru í dag varðhaldsfongslað í størsta kokain-máli higartil. Í minsta lagi fimm kilo av kokaini er smuglað til Føroya og síðani er meginpraturin seldur víðari her.

Prísurin á kokaini er 1.800 kr. fyri grammið, sum er tað dýrasta á marknaðinum - til samanberingar fæst eitt gramm av hassji fyri 300 kr.

Taka vit støði í dagsins kokain-máli, so kunnu nøgdirnar virðismetast til 9. mió. kr. á gøtuni.