Hizbollah tekur ikki undir við vápnahvíldini

Hizbollah havnar avtaluna um vápnahvíld, sum Ísrael og Libanon samdust um í nátt í Washington býi undir amerikanskari leiðslu.

Tað skrivar tíðindastovan Reuters.

Vápnahvíldin millum Ísrael og Libanon kom í lag bert fáar tímar eftir, at ísraelsk álop í Suðurlibanon í gjár drupu í minsta lagi níggju fólk.

Forsetin fingið boð

Í skrivligari fráboðan sigur Hisbollah seg hava boðað forsetanum, Joseph Aoun, frá, at Hizbollah vísir avtaluni aftur, og treytin hjá teimum er, at Ísrael tekur seg úr libanskum øki, skrivar Sky News.

Mótstøðan heldur fram, so leingi Libanon er hersett, sigur Naim Qassem, leiðari í Hizbollah, skrivar Reuters.

- So leingi álop verða framd á libanskar bygdir, og fólk lata lív, verður ikki trygt í norðara parti av Ísrael, segði Naim Qassem, fyrr í dag, eftir at í minsta lagi fýra fólk lótu lív í ísrealskum álopum í Libanon sambært libanskum myndugleikum, skrivar the Guardian.

Yvirgangsfelagsskapurin, Hizbollah, sum fær stuðul úr Iran, var ikki partur av samráðingunum um vápnahvíldina.