Skuldsettur fyri harðskap móti politisti

Ein ungur maður var tikin í Leirvík klokkan fimm í morgun.

Politiið fór eftir honum, tí tað fekk fráboðan um herverk á ein bil.

Tann, sum eigur bilin, sá, hvør gjørdi herverkið.

Tá maðurin skuldi takast, gjørdi hann seg inn á ein politist.

Hann er tí skuldsettur fyri harðskap móti politistinum.

Nummarpláturnar hjá bilinum eru horvnar.