Fólk eiga at verja seg, tá UV-indeksið er høgt

Summarið er byrjað og um hesa ársins tíð keypa nógvir føroyingar sær ferð til heitari lond við nógvari sól og aðrir halda summarið í Føroyum.

Danska Krabbameinsfelagið ger vart við, at eitt ørkymlandi rák hevur tikið seg upp, serliga millum ung. Ein kanning vísir, at 45 prosent av teimum ungu í Danmark millum 15 og 20 ár leita sær miðvíst út í sólina, tá UV-indeksið er høgt.

UV-indeksið er eitt mát fyri styrkina á UV-strálingini, sum kemur frá sólini. Tess hægri UV-indeksið er, tess størri er vandin fyri, at húðin verður skadd av sólini, og tess styttri tíð tekur tekur tað, til skaði hendir.

- Tað er óheppið at eitt slíkt rák hevur tikið seg upp millum ung, sigur Rókur Akralíð, húðlækni.