Seta tiltøk í verk móti ísraelskum búsetingum á Vestara áarbakka

Noreg, Frakland, Stórabretland, Kanada og Avstralia fara seta í verk revsitiltøk móti ísraelskum búsetingum á Vestara áarbakka.

Tað siga stjórnirnar í felags fráboðan.

Londini leggja ísraelsku stjórnina undir at geva loyvi til ólógligar búsetingar á Vestara áarbakka.

Eisini siga londini, at eingi revsirættarlig stig verða tikin, tá harðskapur verður framdur móti sivilum palestinum.

Noreg, Frakland, Stórabretland, Kanada og Avstralia viðurkenna øll Palestina sum stat. Tey ávara um, at fleiri revsitiltøk kunnu setast í verk, um Ísrael ikki tekur stig til at steðga harðskapinum.