Vilja brúka írska formansskapin til føroyskan fyrimun

Írski sendiharrin í Danmark hevur verið á vitjan í Føroyum, og formaðurin í uttanlandsnevndini hevði eisini fund við hann um fríhandilsavtalu við ES

ìrski sendiharrin í Danmark, Kyle O’Sullivan, og Jørgen Niclasen, formaður í uttanlandsnevndini.

Mynd: Løgtingið

Heini Johannesen

09.06.2026 - 18:00

- Slíkar vitjanir eiga vit at brúka til okkara fyrimun.

Tað sigur Jørgen Niclasen, formaður í uttanlandsnevndini, eftir at írski sendiharran í Keypmannahavn, Kyle O’Sullivan, var á vitjan í Føroyum í farnu viku.

Írland fyrireikar í løtuni at taka við formansskapinum í ES-ráðnum, og sambært formanninum í uttanlandsnevndini er tað eitt upplagt høvi hjá Føroyum at gera vart við ynskið um fríhandilssátmála.

Føroyska útflutningsvinnan hevur leingi eftirlýst betri marknaðaratgongd til ES-marknaðin. Eitt nú vísti Havbúnaðarfelagið í ársfrágreiðingini fyri 2025 á, at myndugleikarnir eiga at raðfesta arbeiðið at bøta um verandi avtalur við ES.

Umleið helvtin av øllum tí, sum Føroyar útflyta, fer á ES-marknaðin. Og umleið helvtin av øllum tí, sum vit innflyta, kemur úr ES-londum.

Hoyr innslag í útvarpstíðindunum:

09062026_Jorgen