Suðuroyggin skal hava landsins fyrstu altjóða geopark

Eftir ætlan skal fyrsta altjóða geoparkin í Føryum vera í Suðuroy.

Lis Mortensen,  náttúrulandafrøðingur á Jarðfeingi, sigur, at landafrøðiliga hevur Suðuroyggin nógv at bjóða.

Tað er serliga Jarðfeingi, ið hevur arbeitt við at fáa Suðuroynna góðkenda sum geopark. Men aðrir stovnar í landinum eru eisini við, og fyri stuttum vóru umboð fyri stovnarnar og flestu av borgarstjórunum í Suðuroynni á ferð  í Danmark og hugdu at eini geopark har.

Lis Mortensen

Geoparkin skal m.a. bjóða túrar og upplivingar.

Mánadagin 22. juni verður fundur í Salti á Tvøroyri, har Jarðfeingi, kommunur í Suðuroynni og onnur fara at taka samanum og tosa um, hvussu ein geopark kann setast á stovn.

Hoyr innslag í útvarpstíðindunum: