Íslendingar farnir at skjóta hval

Íslendska hvalaveiðan er byrjað.

Fyrstu tveir hvalirnir, tveir nebbafiskar, eru komnir til hvalastøðina í Hvalfirði.

Hvalur 9, sum ein av hvalabátunum eitur, veiddi teir.

Hetta eru fyrstu hvalir, sum íslendingar skjóta síðani 2023.

Kvotan í ár er 150 nebbafiskar og 134 sildrekar.

Fimm ára loyvi

Felagið Hvalur fekk fimm ára veiðiloyvi í desember 2024. Tvey skip hjá Hvali, Hvalur 8 og Hvalur 9, eru farin at skjóta hval.

Paul Watson hevur boðað frá, at hann fer til Íslands í summar at forða fyri hvalaveiðu.

Íslendski vinnumálaráðharrin, Hanna Katrin Friðriksson, ætlar at fáa lógina um hvalaveiðu endurskoðaða og broytta, so hvalaveiðan minkar.

Hon hevur biðið løgfrøðingar kanna lógina.