Ungarski forsætisráðharrin vil hava forsetan frá

Ungarski forsætisráðharrin, Peter Magyar, sigur, at stjórnin fer at tryggja, at konservativi forsetin í landinum leggur frá sær við at broyta grundlógina.

Av røðarapallinum í tjóðartinginum boðaði hann í gjár frá, at stjórnin fer at brúka lógina til at sleppa av við Tamás Sulyok, forseta, og at uppskot um at broyta grundlógina verður lagt fram í heyst.

Sulyok hevur verið forseti í Ungarn síðani mars 2024, við stuðli frá táverandi forsætisráðharranum, Viktor Orban, og flokki hansara Fidesz.

Péter Magyar

Savnar ikki tjóðina

Magyar heldur, at Sulyok ikki savnar tjóðina, men framvegis virkar sum stuðul hjá undanfarnu stjórn. Tí krevur hann, at forsetin leggur frá sær.

Men Sulyok sýtir fyri at leggja frá sær..

Ungarski forsetin hevur í høvuðsheitinum ein umboðandi leiklut, men hann hevur eisini heimild at senda lógir aftur í tjóðartingið til nýggja viðgerð, ella kæra tær til grundlógardómstólin. 

Hetta kann møguliga seinka ella forða fyri nýskipanini hjá Magyar.