- Tíðindi, mentan og ítróttur
Nógv skerdur strandferðslufloti
Nógv skerdur strandferðslufloti
Alt kom upp í røkur hjá Strandferðsluni í gjár og í morgun
Ternan fekk eina rivu, tá hon bar við ferjuleguna á Syðradali í gjár.
Mynd: Norðlýsið
02.07.2026 - 10:24
Nógv óhapp hava rakt strandferðsluflotan, og tað hevur ávirkað siglingina.
Ternan, sum sigldi fyri Sam á kalsoyarleiðini í gjár, bar við ferjuleguna á Syðradali, og tá var neyðugt at fáa Teistan, sum annars røkir nólsoyarleiðina, norðurum.
Sam hevur framvegis brek, og fer neyvan aftur í sigling fyrr enn mánadagin. Ternan hevur ikki fingið so stóran skaða, og fer aftur í siglng aftur á kalsoyarleiðini.
Soleiðis sær ferjulegan út á Syðradali. (Mynd: Norðlýsið)
Teistin fer aftur á nólsoyarleiðina aftan á døgurða.
Mykines-leiðin er eisini rakt, tí Jósup tók botn. Men ein loysn verður funnin at fáa tey 10 fólkini, sum bíða í Mykines, av oynni, sigur Strandferðslan.
Og sum alt hetta ikki var nóg mikið, so fekk Smyril eisini tekniskar trupulleikar í morgun.
Hoyr samrøðu, sum Sigrún Brend gjørdi við Edvard Leo, ferðslusamskipara hjá SSL, í útvarpstíðindunum:
02062026_Strandferdslan_og_Leo
Er kopiera
Nýggjastu sendingar í ÚV
Nýggjastu sendingar í SV
