136 fleiri nýggj akfør skrásett fyrra hálvár

13 prosent fleiri nýggir bilar eru skrásettir fyrra hálvár í ár enn fyrra hálvár í fjør.

Tað sæst í hagtølunum frá Akstovuni, sum vísa, at 1.166 nýggj akfør vórðu innflutt fyrstu seks mánaðirnar í ár. Tað eru 136 fleiri enn sama tíðarskeið í fjør, tá ið 1.030 akfør vórðu skrásett. Vøksturin er sostatt 13,2 prosent. 

Fyrstu tríggjar mánaðirnar í árinum vóru annars færri nýggj akfør skrásett, men síðan er vend komin í. 

Akstovan hevur eisini hagtølini fyri brúkt akfør, ið eru innflutt fyrstu seks mánaðirnar í ár; har stendur næstan í stað, ein lækking uppá eitt prosent.

Higartil í ár eru 162 brúkt akfør innflutt .Fyrra hálvár í fjør var talið 164 brúkt akfør. 

Sí yvirlit yvir nýggj akfør her.