Landsrætturin viðger aftur mál, sum kann geva linari revsing

Seinni í vikuni fæst at vita, um Landsrætturin aftur hesa ferð gevur linari revsing enn Føroya rættur fyri 5F-MDMB-PINACA, stytt 5F-ADB, sum verður brúkt til at gera rúsevni.

Í dag og í morgin skal Landsrætturin viðgera málini hjá tveimum monnum, sum fingu 12 ára fongulsrevsing í Føroya rætti fyri 7,2 litrar av 5F-ADB.

Tá eitt annað mál um 5F-ADB var í rættinum, dømdi Landsrætturin linari enn Føroya rættur.

Hetta var fyrsta málið um 5F-ADB í danska ríkinum.

Tá fekk ein maður eitt ár og tíggju mánaða treytaleysa fongsulsrevsing í Føroya rætti fyri at hava smuglað 383 millilitrar av 5F-ADB og 50,8 gramm av kokaini. 

Landsrætturin skar fýra mánaðir av dóminum. 

Varðhaldsfongslaður fyri rúsevni

Leygardagin var ein maður varðhaldsfongslaður í fýra vikur.

Hann var tikin á flogvøllinum, tá hann kom úr Danmark.

Hann er skuldsettur fyri at hava 100 gramm av hassji, 25 gramm av MDMA og 5 til 6 gramm av ketamini.

Maðurin játtar seg partvíst sekan.