Føroyskir uppspararar lítið váðafýsnir

Føroysku eftirlønarfeløgini fáa av grovfíluni fyri at fáa alt ov lítið avkast frá íløgunum, tey gera vegna føroysku eftirlønaruppsparararnar. Í seinastuni er tað serliga LÍV, sum hevur staðið fyri skotum.

Feløgini sita tó ikki sjálv og gera íløgur í virðisbrøv vegna uppsparararnar. Tað hava tey professionell ognarumsitingarfeløg at gera fyri seg.

Og sambært Johnny í Grótinum, búskaparfrøðingini, er tað, í hvussu er lutvíst, uppspararunum sjálvum at takka, at avkastið er so lítið. Hann stiðjar seg millum annað upp at eini kanning, sum Tryggingareftirlitið í 2024 gjørdi um íløguavkastið hjá føroysku lívstryggingarfeløgunum og eftirlønargrunnunum. Kanningin vísti, at miðalavkastið hjá føroysku feløgunum tá var 3,2 prosent, ella minni enn helvtina av miðalavkastinum hjá donsku pensjónsfeløgunum, sum var 6,8 prosent.

Hoyr innslag úr Útvarpstíðindunum