Frítekst tagging:
- Tíðindi, mentan og ítróttur
Fjórðingsfinalur: Mbappé ímóti Hakimi í kvøld
Fjórðingsfinalur: Mbappé ímóti Hakimi í kvøld
Teir báðir fyrrverandi liðfelagarnir í Paris St. Germain eru størstu stjørnurnar hjá Fraklandi og Marokko, sum bresta saman í fyrstu HM-fjórðingsfinaluni í kvøld
Mynd: Charly Triballeau/AFP/Ritzau Scanpix
09.07.2026 - 16:54
Kylian Mbappé og Frakland ímóti Achraf Hakimi og Marokko.
Teir báðir fyrrverandi liðfelagarnir í PSG eru størstu stjørnurnar á hvør sínum liði, tá fyrsta HM-fjórðingsfinalan verður í Massachusetts í kvøld.
Teir spældu saman frá 2021, tá Hakimi kom til franska høvuðsstaðin, til Mbappé fór úr PSG til Real Madrid í 2024, og gjørdust góðir vinmenn.
Hakimi hittir eisini fleiri núverandi liðfelagar í dystinum í kvøld. Lucas Hernandez, Warren Zaïre-Emery, Ousmane Dembélé, Bradley Barcola og Désiré Doué spæla allir í franska høvuðsstaðarfelagnum í løtuni.
Achraf Hakimi er liðskipari og stóra stjørnan hjá Marokko, sum brestir saman við Fraklandi í HM-fjórðingsfinaluni í kvøld. (Mynd: Hannah Mckay/Reuters/Ritzau Scanpix)
Sterkt samband
Yvirhøvur er sambandið millum londini bæði sterkt. Marokko hevur seks spælarar í hópinum, sum er føddir í Fraklandi, og norðurafrikanska landið hevur yvirhøvur lagt seg eftir at yvirtala spælarar, sum kunnu umboða bæði londini, at velja Marokko.
Seinasta dømi er 18 ára gamli Lille-miðvallarin Ayyoub Bouaddi, sum veruliga hevur gjørt vart við seg hetta endaspælið. Um tað verður nóg mikið til at syfta fronsku favorittarnar verður sjón fyri søgn í kvøld klokkan 21.00.
Kringvarpið samsendir fjórðingsfinaluna frá klokkan 20.50.
Yvirlit: HM-fjórðingsfinalurnar
Hósdag 9. juli kl. 21.00: Frakland - Marokko
Fríggjadag 10. juli kl. 20: Spania - Beliga
Leygardag 11. juli kl. 22: Norra - England
Sunnunátt 12. juli kl. 02: Argentina - Sveis
Er kopiera
Nýggjastu sendingar í ÚV
Nýggjastu sendingar í SV
