NSÍ og Víkingur mistu evropeiskar leiðslur

Bæði NSÍ og Víkingur vóru frammanfyri í sínum Conference League-dystum í gjárkvøldið, men endin var, at NSÍ spældi javnleik og Víkingur tapti.

Við Djúpumýru legði Petur Knudsen NSÍ framum ímóti Hamrun Spartans miðskeiðs í fyrra hálvleiki, tá hann skallaði eitt fríspark í netið, men útiliðið javnaði tá lítil tími var spældur, og so endaði tað við javnleiki.

Liðini skiftust eitt sindur at hava yvirtakið, men NSÍ hevði munin í málkjansum og átti kanska at havt skora meir fyri steðgin. 

Aron Benjaminsen legði Víking framum tíðliga í útidystinum ímóti Stjarnuni úr Íslandi, men Emil Atlason vendi dystinum við trimum málum; tvey teirra upp á brotsspark.

Seinnu dystirnir í 1. umfari vera í næstu viku. Tá spælir NSÍ á Malta, meðan Víkingur tekur ímóti íslendingunum við Djúpumýru.