- Tíðindi, mentan og ítróttur
Borgarstjóri spyr hvar pengarnir eru blivnir av
Borgarstjóri spyr hvar pengarnir eru blivnir av
Tær 10 milliónir krónurnar, sum eru settar av til vegin úr Fámjinstunlinum oman í bygdina, røkka ikki til at gera arbeiðið liðugt. - Skuffandi, sigur borgarstjórin í Famjin
13.08.2026 - 19:08
Fámjinstunnilin varð liðugur í fjør summar, og í juni í ár varð arbeiðið við vegnum oman í Fámjin tikið upp aftur.
Men nú er greitt, at játtanin upp á 10 milliónir krónur ikki røkkur. Mest átrokandi ábøturnar verða eftir ætlan lidnar móti ársenda, men skulu øll arbeiðini gerast liðug, mugu fleiri pengar játtast.
Tað kemur óvart á Jóanis Lisberg, borgarstjóra í Fámjin.
– Fámjiningar eru ógvuliga skuffaðir, sigur Jóanis Lisberg.
Hann vísir á, at pengar vórðu settir av til vegin í sambandi við tunnilsverkætlanina, og at ætlanin var, at teir skuldu røkka til at gera vegin lidnan.
Arbeiðið verður fyribils rundað av móti ársenda, tá játtanin er uppi.
Hoyr innslag í tíðindunum á nátturða:
Borgarstjorin_i_Famjin_um_vegin
Er kopiera
Nýggjastu sendingar í ÚV
Nýggjastu sendingar í SV
