ES innflutti fisk úr Russlandi fyri hálva milliard í juni

Hóast alt tosið í ES um revsitiltøk móti Russlandi, innflutti ES 70 prosent meira fisk úr Russlandi í juni enn í mai.

Innflutt var fyri 74,9 mió. evrur, 560 mió. krónur, í juni.

Hetta er størsta tal síðani í november 2024. 

Fiskur og annað úr sjónum var ikki við, tá ES 23. juli samtykti 21. pakkan við revsitiltøkum móti Russlandi.

Meiriluti var ikki í ES fyri tí.

Serliga Týskland, Pólland og Portugal tóku ikki undir við tí. 

Týskland er størsti fiskakeypari hjá Russlandi. Síðani koma Frakland og Niðurlond.

Annar russiskur útflutningur til ES var átta prosent minni í fyrra hálvári enn somu tíð í fjør.