Meslingar ganga í Svøríki

Meslingar eru farnir at ganga í Svøríki, eftir at fleiri fólk vórðu smittað á einum tónleikafestivali um mánaðarskiftið.

Í gjár segði svenski fólkaheilsumyndugleikin, at 11 fólk vóru smittað, men í dag verður sagt, at 21 tilburðir av meslingum nú eru skrásettir.

Tey flestu av teimum smittaðu eru yngri enn 18 ár, og eru ikki koppsett fyri meslingar.

Fyribyrgjast við MFR-vaksinu

Svenska Aftonbladet skrivar, at myndugleikarnir nú royna at seta seg í samband við fólk, sum vóru á festivalinum.

Meslingar kunnu fyribyrgjast við MFR-vaksinu.

Ein koppseting virkar alt lívið, men svensku myndugleikarnir heita á fólk, sum eru fødd í 1970'unum, um at kanna, um tey bert eru koppsett eina ferð, og um so er, at koppseta seg eina ferð afturat, um tað er neyðugt.