Norðskálatunnilin 50 ár - slit sæst á føðingardagsbarninum

Í dag eru 50 ár, síðani Norðskálatunnilin varð tikin í nýtslu. 

Slit sæst á tunnilinum. Neyðskelti lýsa ikki, og viftur mala ikki, men mest átrokandi er at fáa bummar báðumegin tunnilsmunnarnar, sigur Eyðstein Zachariasen, borgarstjóri í Sunda kommunu.

Norðskálatunnilin er elsti tvíbreytaði tunnil í Føroyum. Hann varð tikin í nýtslu 24. august 1976.

Tað var byggifelagið E. Pihl & søn, sum stóð fyri byggiarbeiðinum fyri Landsverkfrøðingin. Tunnilin er 2520 metrar langur og gongur gjøgnum vestaru fjallarøðina í Eysturoynni.

Norðskálatunnilin letur upp, Norðskálatunnilin

Vestanfyri fer hann inn oman fyri bygdina við Norðskála, og kemur útaftur millum Fjarða. Norðskálatunnilin knýtir soleiðis Sundalagið og veganetið millum Fjarða og út á Skálafjørðin saman.

Saman við brúnni um Streymin, ið var tikin í nýtslu í 1973, er Norðskálatunnilin partur av meginsamferðsluæðrini í Føroyum.

Hoyr innslag í útvarpstíðindunum: