NSÍ tekur avgerðina hjá FSF til eftirtektar

- Vit taka avgerðina hjá Fótbóltssambandinum til eftirtektar. 

Tað sigur Karsten Joensen, formaður í NSÍ, nú fótbóltsfelagið ikki fekk viðhald í klagu síni um hendingina í dystinum móti AB við Løkin næstseinasta vikuskifti, har liðskiparin, Petur Knudsen, varð vístur av vølli.

Petur Knudsen fekk seinna gula kortið fyri sjónleik, og varð vístur av vølli:

Karsten Joensen, NSÍ

- Vit hava ikki heimild til at koyra klagur um avgerðir hjá dómarum um gul kort víðari í skipanini hjá okkum.

Tað sigur aðalskrivarin í Fótbóltssambandinum, Kristin Dam Ziska:

 
NSÍ heitti í klaguni á FSF um at viðgera málið um seinna gula kortið sum skundmál, tí Petur Knudsen er leikbannaður í dystinum ímóti Víkingi nú sunnudagin. 

Avgerðin hjá FSF kemur tí illa við hjá NSÍ, sigur formaðurin:

 
Dysturin millum NSÍ og Víking verður sunnudagin kl. 17.15

NSÍ er á odda í meistaradeildini við 44 stigum. 

KÍ hevur 41 stig, og HB er á triðja plássi við 37 stigum.