Eingin dagføring í fjórðingsøld

Landsgrannskoðanin staðfestir enn eina ferð, at ásetingarnar um roknskaparreglugerðir ikki vera tiknar í nóg stórum álvara. 

Tað stendur í ársfrágreiðingini hjá Landsgrannskoðanini fyri fíggjarárið 2025.  

Fyri 25 árum síðani sendi Fíggjarmálaráðið út rundskriv um roknskaparreglugerðir.

Rundskrivið er ikki dagført síðani, hóast stórar broytingar hava verið í talgilding, KT-trygd, innanhýsis eftirliti og roknskaparmannagongdum. 

Ikki árliga

Rundskrivið skal ikki dagførast árliga, men tað eigur at vera endurskoðað og tillagað, tá broytingar eru í eitt nú KT-skipanum, sum hava týdning fyri roknskaparhaldið hjá landsstovnum. 

Verður tað ikki tað, kann roknskaparreglugerðin gerast misvísandi og missa virðið sum stýringsar- og eftirlitsamboð, sigur Landsgrannskoðanin í ársfrágreiðingini. 

Landsgrannskoðanin hevur í nógv víst á, at nógvar roknskaparreglugerðir ikki eru dagførdar í samsvari við tær broytingar, sum eru hendar á stovnunum.

Og aftur í ár ger hon vart við tað.