EM-bakkast: Súna ikki við til endaspælið

EM-bakkast: Súna ikki við til endaspælið
Súna Krossteig Hansen er framvegis skadd og nær ikki at gerast klár til EM-endaspælið í desember, sigur hjálparvenjarin hjá hondbóltslandsliðnum
Bakkast: Súna Krossteig Hansen verður ikki við til EM-endaspælið í Póllandi í desember
Mynd: Kolektiff  
 
22.10.2026 - 14:44

Knæskadda Súna Krossteig Hansen verður ikki við í føroyska landsliðshópinum til EM-endaspælið í Póllandi í desember.

Bakspælarin fekk ein skaða í knæið í september, og hon nær ikki at gerast til reiðar, sigur hjálparvenjarin Simon Olsen undan venjingardystinum ímóti Eysturríki í dag.

 - So vit fara at mangla ein týðandi spælara, sigur hann, og tí verður arbeitt við øðrum loysnum til føroysku bakketuna, har Súna Krossteig Hansen vanliga spælir saman við Janu Mittún og Mariu Pálsdóttir Nólsoy.

 - Tað merkir, at onkur onnur skal vera til reiðar at taka hennara leiklut, og at meir ábyrgd fer at liggja á øðrum spælarum í staðin, og tað uppgávuna mugu vit taka, sigur Simon Olsen.

Talan er um stórt bakkast fyri Føroyar, sum ivaleyst hava sum mál at spæla seg víðari úr bólkaspælinum, har Ukraina, Frakland og Pólland verða mótstøðuliðini ávíkavist 5., 7. og 9. desember.

Súna Krossteig Hansen, sum skifti til montonegrinska felagið Budućnost í summar, er sera stinn í ein ímóti einari-spælinum í álopinum, og júst teir eginleikarnir verða torførir at finna aðrastaðni í føroyska hópinum.

Føroysku hondbóltskvinnurnar spæla tveir venjingardystir ímóti Eysturríki hesa vikuna. Tann fyrri verður í dag klokkan 17 og kann síggjast á portal.fo.

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592